Shanghtin

Ndai lawu na Attach hpe hti byin hkra hti ga!

grau nna Buga e nga ai myusha ni, gaw Constitutional Referendum hta ta tut Vote bang ra wa na re majaw....hpa majaw Referendum hta shang lawm ra nna, Vote No bang ra ai ngu ai attach file rawng ai, hti ai hte asan sha chye na lu na re.

Gaw da ai tara (Constitution) ngu ai hpa rai ta?

1. Mungdan a Gaw Da Ai Tara ngu ai gaw mung shawa hte asuya a lapran myithkrum lam la da ai Ga Sadi (Contract) laika re. or Legal Document re. Mungdan ting hta tsaw dik htum ai NING TAWN TARA KABA ( Suprime law ) mung re. Ndai tara a ntsa e kadai mung nnga lu nga ai. (Hpye Asuya a constitution hta e, Suprime law gaw shanhte a npu nga na hku kajam da ma ai)

Constitution hpe ka lajang ai hta anhte mung shawa ni nan hkungga tsawra kamhpa nna ra lata hkrum dat hkrum ai ni, constitution hte seng nna hpaji chye ai ni shang lawm nna ( mung shawa a gawng malai tai let) mung shawa ra ai hku ka ra ai hku re.

2.Dai sha n ga, ka ngut ai hpang e mung shawa ni dai Constitution hta rawng ai lam ni hpe lu hkaja na matu( eg.black or white) ahkying aten hte ahkaw ahkang mung ramdaw na ai aten naw jaw ra ai hku re.

Ga shadawn: Democracy nau njet ai mungdan re nga nna nkau mi tsun ai Thailand hta e laiwa sai Dec hta Constitution byeng ai (Amendment) lam galaw yang mungdan ting na nta shagu hta e constitution laika buk asuya kaw nna free nta du du hkan garan nna hkaja shangun ai. Nra ai lam hpe mai tang madun na matu ahkaw ahkang jaw da ai .

3.Mung shawa hpe constitution kata e hpa ni ka da ai ngu ai hpe hkaja la lu na ram ging ai aten jaw ngut ai hpang e, Referendum mungdan ting galaw ma ai. Dai Referendum sha ni e , mungshawa ni hku nna constitution hta ka da ai lam ni hpe tsep kawp nra ai rai yang NO ngu nna Vote ma ai rai nna, ra ai ni gaw Yes nga nna Vote bang ma ai.

Raiyang e, anhte hta e ndan re ahkaw ahkang ni lu ga ai kun? Du wa May shata na, Constitutional Referendum hta Hpyen asuya hku nna "Mungdan a Gaw Da ai Tara" hpe mungshawa ni hpang de ("ya kaw na ndai laika kaw ka da ai hku up hkang mat wa na re" ngu na ka da ai ) tang shawn dat ai laika re. Nang hpe san taw ai re, nang nra yang nra ai ngu NO mai tsun ai ahkaw ahkang kaba nang lu nga ai re.

Constitution ka ai ni mung anhte mungshawa e lata da ai ni nre, raitim ka ngut masai da, htawkhkan shangun na sana da. Hpa hpe sa htawkhkan na rai? Anhte mung shawa hpe dai constitution hta e ka da ai ni hpe hkaja lu na gaw tsan ,( criticize galaw lu na gaw hkum tsun sanu) dai laika buk gaw hpraw ai kun chyang ai kun pi nmu ga ai le. Dai hpe anhte ni wa , nang ka da ai hpe nmu ga tim myit hkrum ga ai ngu nnaYes ngu sa Vote na i? kara hku di na? shang lawm ga!

1.Referendum kaw na amyat shaw la ga.
@Rereferndum de nsa shang lawm ai sha, referendum a shinggan kaw sha nga yang Hyen asuya Ta hpawk dum na ra ai ...mung shawa ni democracy lam nchye hkawm shi ma ai, nga nna mungkan de ndau nna matut up na ahkaw ahkang lu na re.

@Anhte ni mi nsa shanglawm tim Hpyen Asuya hpe machyu ai ni gaw dai shani e Vote YES rai na re...
anhte yawng nsa shanglawm na Vote No galaw ai jahpan nlaw mat ai sha....
Vote YES galaw ai hpyen gumshem hpe nawku ai ni a jahpan law mat yang.... shaning law law tsinyam naw hkrum sha ra na ga ai.

2.Du wa na May shata galaw na referendum gaw, Shim ai hku ra lata bang ai ladat (Secrete Vote System) re. Dai majaw,

@ Nang Yes or No (Vote) ra lata bang ai lam hpe nang hkrai sha chye ai re majaw nhkrit ra ai.

Dangdi ai made shakut ga! yawng hpang de forward ga!