Shanghtin

MYU SHAYI HPUNG GINJAW (MYEN MUNGDAN)
WOMEN’S LEAGUE OF BURMA

“Myen Mungdan mungchying shawa ni hpang de,
Tinang myu shayi hpung ginjaw (Myen mungdan) gaw 2008 ning March shata 8 ya , mungkan myu shayi nhtoi kaw nna hpyen Asuya a ting gyeng Gawda ai Tara hpe ma ja shagyeng nna shagrin la lu na matu shakut maw ai “Mung Shawa Myit Ra Hkam La Ai Poi” e Myen mungdan a myu shayi ni yawng hte mung shawa ji nban yawng hte gaw tinang a tengman ai myit ra lam hpe ting ting madun u ga matu sadi jaw shadut ai sha n-ga, dai “Mungshawa myit ra hkam la ai poi” hta “NINGHKAP ME” bang na matu mung n-gun jaw shadut dat ga ai.
Tinang myu shayi hpung ginjaw (Myen Mungdan) gaw mungkan shara shagu na myu shayi kanau kana ni hte ta gindun let, shinggyim wuhpung wuhpawng jut shara shagu hta Tara rap ra ngwi pyaw simsa lam hpe tutnawng ngang grin wa lu na lam hta tatut shang lawm shakut taw nga ai hte maren, anhte a wuhpung wuhpawng hta, hpyen gumshem Asuya lata na lawt lu na lam, Dimokresi mungdan byin pru wa na lam hte namchyim rawng ai rapra lam ni lawm ai htawmhpang na Munghpawm Mungdan gaw gap sa wa na lam hta mung dang di ai made shakut nga ga ai.
Hpyen gumshem shajin lajang taw ai Gawda ai Tara hta, 1990 ning Ra Lata Poi e dang da ai mung masa hpung ni nshang lawm ai, Amyu Bawsang ningbaw ningla ni hte Mung shawa a myit ra sharawng ai lam tsep kawp nlawm ai sha, shi a ting gyeng hpyen gumshem lam hpe asak matut galu da lu na matu ka da ai sha rai nga ai. Ndai Gawda ai Tara grin mat ai rai yang, hpyen gumshem Asuya a gumshem sha ai lam hpe Myen mungdan ting na mung shawa yawng matut nna jam jau wa na rai nga ai. Myu shayi ni yawng hkam sha taw nga ai, ntara ai lam ni, garan ginghka dip tawn ai lam ni, myu shayi ni hpe roi rip ai hte mazut ai lailen amyu myu ni hpe mung matut nna hkam sha nga ra na rai nga ai.
Mungchying shawa ni yawng a lu ging ai ahkaw ahkang hte hkam sha ging ai ahkaw ahkang ni hpe hkam daga jaw da ai lam, makawp maga da ya ai lam nnga ai hpyen gumshem a gawda ai Tara n grin lu na matu dakring dalang shakut ra na ga ai.
Dai majaw hpyen gumshem a Gawda ai Tara hte seng nna galaw na rai nga ai “Mung Shawa Myitra Hkam La Ai Poi” hta myit hkrum mang rum hte
“NINGHKAP ME” bang ga ngu Myu Shayi Hpung Ginjaw (Myen Mungdan) kaw nna kahtap shadut dat ga ai law.
Mung shawa simsa na matu tengman ai lam madun sa ga lu.
Hpyen gumshem lailen anhte kasat, myit hkrum mangrum ninghkap me hte jahkrat.
Myu Shayi Hpung Ginjaw (Myen Mungdan)
wlb@womenofburma.org , www.womenofburma.org

matut shana ai ....Dum nga n-ngai