Shanghtin

Madi shadaw me bang ai ni yawng hpe tangshwi wa hku na kum hpa jaw na hpe matut chye lu ai....
N-madi shadaw ai ni hpe chyawm KK grau na shamang chyeju jaw u ga......

May 10, 2008 ya shani, Wunpawng Mungdan Shanglawt Hpung (KIO) uphkang ginra rai nga ai Laiza Muklum, Laiza Lahta Tsang Jawng e ra lata Me dum hpaw let ra lata Me bang ai lam galaw wa sai hpe chye lu ai.
Ra lata Me bang ai hta Mung Shawa Dap Shawa yawng sa du shang lawm wa sai re. Dai zawn Me jaw ai Mung shawa, Dap shawa yawng marai 1299 tup re lam chye lu ai.
Ra lata Me jaw ai hta, madi shadaw Me 801 hte n madi shadaw ai Me 471 tup re lam, n masat la ai Me gaw 27 tup re lam chye lu ai.
Lai wa sai May 7 ya shani Laiza Muklum, Myu Lawt Wunli Gawknu e galaw ai Mung Shawa Dap Shawa zuphpawng hta Wunpawng Mungdan Shanglawt Hpung Ginjaw Komiti Tingnyang Up Malai ( I ) Lat Du Daju Jum Gauri Zau Seng hte Wunpawng Mungdan Shanglawt Kongsi Ningbaw Malai Lat Du Daju Jum N'ban La ni kaw nna Laiza e Me dum hpaw ai hte ra lata Me bang ai lam ni hte seng nna Mung Shawa Dap Shawa hpe galu galang sang lang dan lai wa sai lam chye lu ai

matut shana ai ....Dum nga n-ngai