Manang Ni
-
DAP BA (6) DE LAJA LANA GASAT NGA3 years ago
-
-
CHRISTMAS MAHKAWN BUK 1006 years ago
-
Blog address galai sai lam.9 years ago
-
Get Downloader
Torrents Ra Jang
24 May 2009
KAF Statement Ah Daw Dan Ai Lam
Sunday, May 24, 2009 | 
Laika Ka Ai
Shanghtin
KAF Kaw na statement hpe bai mara dat ya n ngai myit su ni hku na n du sa lawm ai manaw manang ni hpe email hku sa ya ai laika re, email kaw n lu hti ai ni matu myit mada let..
N’dai zuphpawng hta marai (11) lawm ai Bumhkang Komiti (KAF Steering Committee) hpe hpaw hpang tawn sai rai n’na, shawng lam matut galaw sa wa na hte amyu sha lam yan n’tsa mu mada ai lam hpe lawu na hte maren shana dat ga ai.
Zuphpawng hta bawng ban ai lam law law hta na, ya hkyak hkyak byin nga ai Wunpawng mungdan shanglawt hpyen dap hkrang galai shai na matu Myen hpyen dap kawn shadut wa ai lam hpe mung ahkyak la bawng ban ga ai.
Kachin Affairs Forum (K A F)
Official Statement
May 21, 2009
May 20-21, 2009 hta America mungdan, Omaha mare kaw galaw ai Kachin Affairs Forum (KAF) gaw Wunpawng amyu sha yawng myit hkrum let awng dang lam de rawt jat sa wa lu na hpe madung dat n’na yawng shang lawm bawng ban mai ai shara langai byin tai wa lu na matu yaw shada let hpawng de mahkrun jun da lu sai. N’dai zuphpawng hta marai (11) lawm ai Bumhkang Komiti (KAF Steering Committee) hpe hpaw hpang tawn sai rai n’na, shawng lam matut galaw sa wa na hte amyu sha lam yan n’tsa mu mada ai lam hpe lawu na hte maren shana dat ga ai.
- Wunpawng Amyusha ni hta hkrum hkra byin pru nga ai lam ni hpe ladat amyu myu hku n’na amyu sha yawng a matu akyu pru wa lu hkra hting lu hting-lai ya na.
- Amyusha lapran mung masa hte myutsaw myit su-hprang wa lu na matu shakut sa wa na.
- Amyusha ting a lu-ging lu-ang ai ahkaw ahkang tup hkrak lu wa hkra uhpung uhpawng shagu hte matut mahkai n’na, tatut magma bungli byin wa lu hkra shakut sa wa na.
Zuphpawng hta bawng ban ai lam law law hta na, ya hkyak hkyak byin nga ai Wunpawng mungdan shanglawt hpyen dap hkrang galai shai na matu Myen hpyen dap kawn shadut wa ai lam hpe mung ahkyak la bawng ban ga ai.
- Wunpawng Mungdan Shanglawt Hpung KIO kawn KIA hpyen dap a shawng lam lahkam hte seng n’na buga shagu na mungshawa salang ni hte maigan du nga ai Wupawng amyu sha yawng hpang de ningmu ni tang shawn na matu saw shaga ai lam hpe hkap tau la ga ai.
- Grin nga ai Wunpawng Mungdan Shanglawt Hpyen dap a hkrang galai shai na hpe byin pru wa na rap-ra ai Myen mungdan atsuya hte she sung-sung li-li bawng jahkrup ngut ai hpang daw dan na lam hpe madi shadaw ga ai.
- Wunpawng Mungdan Shanglawt Hpyen Dap ngang grin sa wa lu na matu galaw sa ai lahkam shagu hta Wunpawng amyu sha yawng hte hkut-hkut nai-nai bawng ban jahkrup n’na galaw sa wa na hpe ra sharawng ga ai.
Amyusha Lam Yan hta
Kachin Affairs Forum (Steering Committee)
Kachin Affairs Forum (Steering Committee)
Labels:
ShiGa
Subscribe to:
Post Comments (Atom)
My Videos
0 comments:
Post a Comment
Chyeju kaba sai