Shanghtin

Muang Dan gaw lu nga ai,shang lawt mung lu nga ai.
Raitim shanglawt ai myit jasat, MaGam myit, madu myit,
Anhte rawng nga ra ga ai,awm dawm ahkaw ahkang lu na gaw madung rai nga ai.

Shim lum rawt jat ai uhpung uhpawng tai lu na matu
Magam myit,madu myit,madung re ai zawn, ya jang ta tut arang bang galaw sa wa ai gaw
annau ni a n-gun kaba rai nga ai.myit hkrum ai gaw awng dang ai a npawt re.

1-Mungkan na kaba dik ai laknak gaw na a jet ai tsaw ra myit rai nga ai.
2-Mungkan hta ja dik ai gaw Rit kawp tara re.
3-mungkan hpe rawt jat lawan dik shangun ai gaw hpaji hparat re.
4-mungkan hta manu dan dik ai gaw hkying ten re,

[ ndai hta ngai loi mi matut sharai mayu ai gaw ten lu tim ahkaw ahkang,
dip da pat da hkrum yang gaw dai lu ai ten manu ndan nga ai ]

5-mungkan hta arang kaba dik ai gaw jet ai na myit jasat hte na lahpum re.
6-mungkan hpe galai shai lawan shangun dik ai gaw du hkra ladaw hte,hpung sara hte
Tara hkaw sara ni re.
7-mungkan hta lu su dik ai gaw yanang lu ai ten,ya nang du ai prat,ya nang lu ai buga shara ni hpe
ya jang akyu jashawn ai gaw lu su dik ai lam re.Sali Wunlia-sutlu nga mai ai dashi sali wunli nang hpe jaw tim
nang kaja ai myit jasat nrawng yang gaw,tinang hkum hpe du hka jaw ai wamasha law law hpe lam shadam ai wa,pa shalaw mungkan ga hta namnak shalaw sha tai na re.

b-hpaji hparat sali wunli jan mau law law lu tim,
nang nkaja yang gaw masha law law hpe du hka jaw ai wa,
masha law law hpe sat ai wa,tinang hkum hpe masu ai wa sha tai na re.

c-Arawng aya kaba ai masha tai lu tim,
tinang nan kaja ai masha nrai yang gaw,masha law law hpe matsan nhkun de ganawn bang ai wa,
masha law law hpe sat ai wa,masha law law a nju ai,masha law law amatai htang hkrum ai wa,
maroi nni ai hkrum na re.

d-kaja ai sali wun hpe jaw lu hkra hkam la lu hkra kaja ai teng man ai lam hpe
lahpa kalai dashi jaw ai hte kaja ai lam hpe hka ja ga.kaja ai lam,tengman ai lam hta nden ja ja
magrau grang shakut ga.

1-Te te du wut u gaw mungkan shagrim htim wa na tsang ai hkrit ai majaw,
shana yup yang lamu de lagaw marawng na yup chye ai da.

2-hpun ntsa yup ai woi mung mungkan ga waw mat na tsang ai majaw,
lana ni masum lang aga hpe yu masawp ai da.

3-kitjin jai mung mungkan ga gaw ngai sha na ma sai kun?nga ai da.
Dai ni chyu rum ai annau ni mungdan mung lu sai,shang lawt ai hte awm dawm ahkaw ahkang
lu na gaw gum rawng gum tsa mungdan de gaw na annau ni lata du nga sai.
Annau ni lit rai sai,ya jang rawt ga gasat ga anumyu laknak hta grau kaba ai
annau ni a jet ai myu tsaw mung tsaw myit jasat hte mung maden hpyen
chyasam hpyen hpe ya jang yajang du nga ai shara lu nga ai ten lu ai sali wunli hte gasat ga.

Ja dik ai li dik ai nlung kata dip tawn ai tsing du makrung pyi dai ja dik ai nlung hpe
ga gaprang na tu pru lu ai,dai ni anhte nlung baw lung htawng dan ra sai.
zai bru simri bai rit dan ra sai.
dai ni myu sha a matu nang hpe la nga ai,
nchye ai majaw du hka hkrum,nsi ging ai si,
chye ging tim nmai chye,lu su tim matsan,
Tinang lamu ga tinang shat di hpe sha-ga,tinang shat hpe mya sha kashun sha nga ai ni hpe
hpa nchye ai annau ni hpe roi sha dip sha nga ai hpe yu pyaw nga ai kun?
yau sai,rai nu ga ngu na kun?
Ahkaw ahkang gaw anhte lata du nga sai,     <RAWT GA>

Baren Num Raw