Shanghtin

1-Awm dawm shang lawt,shim lum ai,a hkaw a hkang lu na matu kaja ai myu sha lam hta si hkam na,
2-Adip arip zingri zingrat mayam tai  sai chyup hkrum let si hkam na,
  Ndai lam lahkawng hta nang hpu nau wa kara lam hta hkan na kun?
  Ten gaw lai mu nmai lai nga ai ,Anhte myu sha ni a matu shang lawt na hte shim sa lam gaw,
  sai hte galai yang chyu lu na re.

Myen a mung bawng lam hta hprut hprut daw dan chye gin saga ai.Ten shama,n-gup shatsu,sau shama rai,baw nu shahkraw nra chye gin mu gin saga ai.Dai majaw tinang hkum ngau hte madu up hkang shara ni hpe shagrat rai,Sari mi a'nga mahtai hpe la madat maram yu ai gaw madung rai na re.tinang shara kaw na zim rai nga dan ai gaw,ahkyak dik htum rai sai.

Tsam mat nga sai hpun zawn,kapaw hkyen nga ai bawm hte bung nga sai myen hpyen asuya a,mung masa lam gaw hka kata hta  sumla soi ai hte bung nga ai.U di matu tam shamat nga ai hte shani tup katet tim u di gaw langai sha re.Mali zup madim a majaw anhte myu sha ni jam jau jam hkaw matsan mayam,hkrap ngu hkrap ngoi hte maroi nni arang bang tawn sai hte maren,

ya madim galaw ai ni mung arang law law bang tawn sai hpengut wa sai shani yawng hpe lani mi, ten mi na jan sha gap kapaw jahten  kau lu nga ai.dai shani she madim  run kau lu ai gaw anhte a kaba dik ai awng dang lam re.