Myit Rum Ni

Get Downloader

Torrents Ra Jang

27 Aug 2010

PostHeaderIcon E-mail fordward

FWD mail re.



EEDY hte WP Ramma ni:
Ndai lawu e ka tawn ai amyu-sha masa matsun mara hpe rap ra chyam hkra garan
shabra mu; grau nna nanhte a myit hta kamhpa manoi manat tawn ai hpa-awn
ningshawng ni hkum shagu a man e "hkra" di sa sa ya mu,  ngu nna myit mada
let ka dat nngai.
Sara Kaba M. La Raw

*1. Shaning 2010 nna 1994 ning de nhtang yu dat ga. Hpa mu lu a ta?*

A. Hkringsa gap hkap jahkring ai lam chyinghka hpaw la tawn sai.
B. Ndai 16 ning laman e gasat gala masa hpe koi kau lu sai.

Raitim, ndai lam ni hpe mung myit yu ra ai.

C. Rawt Malan masa a n-gun atsam hpe gara hku lang mat wa sai kun? Gumshem
Atsuya hte gasat gala na hpe koi ai ladat, lam yen ya ai masa hku nna lang
mat wa sai hpe mung mu lu ai.

D. Dai ni anhte WP buga na nhprang rai, maling mala sut ni n nga mat wa sai;
ndai hpe 1995-2010 aten hta shamat kau sai re.

E. Gumshem Atsuya hte masa ginsup ai hta mung, shanhte a myiman hpe sha azi
yu ai, shanhte yu shangun ai hpe sha yu ai, kaga mabyin ni hpe n mu mat wa
ai zawn rai sai. Makau grup yin munghpawm malawm amyu ni hte kyit hkai
shangang ai lam, htingbu mungdan ni hte kyit hkai lam, mungkan masa shamu
shamawt ai lam hta ningpawt jum ai ni hte kyit hkai ai lam ni hta, ra ai hku
n matut sai, dai ni tinang amyu a myit masin hpe tinang nan pyi n chye na
mat wa ai zawn rai mat wa sai.

Raitim, lai sai lam ni gaw lai mat sai; shawng lam hpe madung shatai nna
bai yu yu ra sai.

*2. Shawng lam hta anhte shading tawn na pandung hkringsan masat ni hpa rai
na rai ta?*

A. Tinang daidaw buga e tinang uphkang lu ai ahkaw ahkang tsep kawp n
lu yang, htunghking lailen nga sat nga sa lam grin nga lu na n mai byin na
re. Ndai ahkaw ahkang hpe Panglung Myithkrum Ga-shaka 1947 hta hkrang masing
matsun tawn sai.

KIO masa ginsup ai lam hta 2010 April shata e Gumshem Atsuya hpe anhte dai
ahkaw ahkang hpe n tat na re, ngu tsun sai. Dai majaw BGF ngu ai mahkrun
gaw, lam mi hku nna htum mat sai. Tim, ndai a kyu ara hpa rai ta?

B. Dai ahkaw ahkang ni hpe lu hkam sha na lam hta, 1994-2010 laman hkalut
kau ai gam maka a majaw dai ni grai grau yak mat sai. Sut arung arai n-gun
hku yu yu tim, kyit-hkai makai gumhpawn ai lam n shabyin tawn ai manghkang
hku yu yu tim, shawng lam gaw grai yak na re.

C. Ndai manghkang ni a majaw KIO-KIA hkrang masing sharai na ngu nna garu wa
ai lam hta, *tsang shara *mung lawm ai, *myit mada shara* mung pru nga ai.

D. *Tsang shara*: KIO/KIA a hkrang masing sharai la wa yang Gumshem Atsuya a
myiman hpe sha azi yu nna galaw dat ai lam.

E. *Myit** mada shara lam.* Tinang a amyu-sha ni a myiman hpe mada azi nna
hkrang masing sharai ai lam hpe mai shabyin ai lam.

3.* Amyu-sha myiman hpe azi yu let hkrang masing gram sharai na rai yang,
ndai lam madung ni nga nga ai:*

A. Ahkaw ahkang lu la lam hta jan nna KIO/KIA a hkrang masing hpe gram na
lam hpa mung n nga ai. Ndai hpe chye na hkap la ra ai.

B. Laiwa sai ten hta Gumshem magam ni hte chyu sha mazum nna gyip ai hku sa
wa sai, n dai gaw gram sharai ra ai lam re, ngu ai hpe shawng hkap la ra ai lam.

C. Laiwa sai aten hta na anhte ai lailen masa ladat gaw, gram sharai ra ai
lam re, ngu nna hpa-awn ningshawng ni nan nan, hkam la ra ai lam. Tinang ai
lailen hta gram sharai rawng ai lam lawm nga ai, ngu nna n hkam la lu ai ni
dai ni hkring sa mat ra sai lam.

D. Hkrang masing gram sharai ai hta, KIO/KIA a wuhpung hkrang hta grau
ahkyak ai lam gaw, laiwa sai aten, 1994-2010 laman hkan nang ai masa lam hpe
gram jashai ai lam rai nan rai ra ai, ngu nna chye na hkap la ai lam.

E. Amyu-sha ahkaw ahkang lam gaw amyu ting a lit re, KIO/KIA a lit sha
laksan n re; dai re majaw tinang amyu ahkaw ahkang lam hta, KIO/KIA wuhpung
hkrang hpe amyu shawa myit ra ai lam hta na n gin hka tawn ai sha gram
sharai ra ai lam, ni rai nga ai.

0 comments:

Post a Comment

Chyeju kaba sai

++SJ++

Dream to become IT Admin

Lai Sai Ten Na Laika Ni

My Videos