Shanghtin

Shiga ni hpe rsengja@hotmail.com de matut mai sa wa ai lam shana dat ai..

KIO/A Ningbaw Malai a dum n'ta hpe, laknak hpai KIA hpyenla ni hkap sin nga

December 11, 2007
KNG

Ndai laman sha, KIO/A Ningbaw Malai Dukaba Nban La Awng a, Myitkyina, Shatapru Buga na dum nta hpe laknak hpai KIA hpyenla ni hkap sin nga ai hpe mu lu ai lam, myi-chyaw-mu buga masha ni tsun dan wa ai.

Ya na zawn hkap sin ai lam hpe hkrak n chye lu raitim, "ya ten na shimlam masa" a majaw re lam, KIO/A hte ni ai shiga lawk kawn chye lu ai.

Myen hpyen asuya gaw, KIO/A kawn Myenmung democracy ningbaw Daw Awng San Su Kyi a November 8 ya shani shapraw ai, ndau laika hpe ninghkap ai lam tsepkawp n galaw ya ai majaw, mungmasa, hpyen masa, sut masa hte kaga hkawm sa hkawm wa lam ni hpe, pathkum ai lam galaw nga ai re.

Maga mi de, Gwi Htu daju Lasang Awng Wa Simsa Lam Hpung a hpyenla ni hpe mung "hpyen hking hte hkrak" rai, Tung Hpung madaw ni hte Myitkyina mare de pru pru shang shang shamu shamawt nga ai hpe mu lu ai lam, Myitkyina buga masha ni tsun nga ai.

Dukaba Lasang Awng Wa hku nna mung, shi a hpyenla ni hpe "masa lam nau n hkrak wa ai majaw, yawng shajin da na matu hte, sanat pala a matu gaw hpa n tsang ra ai" ngu matsun tawn ai lam shanhte hte ni nawn ai shiga lawk kawn chye lu ai.

Hpa majaw dai zawn matsun wa ai hpe gaw hkrak n chye lu shi ai.

Ya ten, KIO/A Ginjaw Laiza sa lam dingyang hkan mung, tsan n tsan re shara shagu Myen hpyenla ni masum mali majaw nga ai hpe mu lu ai lam, bu hkawm masha ni kawn chye lu ai.

Kachinnews...kaw na la tawng ai..