Manang Ni
-
DAP BA (6) DE LAJA LANA GASAT NGA3 years ago
-
-
CHRISTMAS MAHKAWN BUK 1006 years ago
-
Blog address galai sai lam.9 years ago
-
Get Downloader
Torrents Ra Jang
14 Jun 2009
Htai Ai Lai Ka Hta Gaw...
Sunday, June 14, 2009 | 
Laika Ka Ai
Shanghtin
Email kaw na myitsu wa sa ya ai laika re :)
Nang shagun dat ai e-mail hpe kabu ai hte hkap lu la sai. Ya hte sha Laiza kaw KIO Ginjaw zuphpawng wa lawm kau da ai shaloi KIO Myu Shayi Hpung a ningbaw ni hte mung shanhte a Ginjaw rung kaw sa hkrum ai hta shanhte san wa ai ga san ni hpe sang lang dan kau da ai lam nga sai. Laiza kaw nna Bangkok de wa yang mung 7 ya tup lam lapran kaw mungdan kaba na masha kaba hpung mi a hpang hpung mi shanhte san wa ai ga san ni hpe sang lang dan kau da ai lam nga sai.
Mungmasa, hpyen masa zawn re ai hte seng nna tsun ging ai ga hkaw langai hpe aten du ai shaloi tsun ai rai yang manu rawng ai raitim, aten rai ndu yang tsun ai shaloi project langai ting hten run mat chye ai. Ga shadawn namsi langai naw hkalung nga yang sa di ai rai yang nmai sha ai zawn, myin lai sai hpang sa di ai shaloi gaw yat mat sai majaw nmai sha nga ai. Dai majaw htap htuk ai aten kaw di la ai rai yang gaw akyu rawng nga ai. NLD ni election rai ndu yang hkan hkaw tsun ai hta shanhte asuya byin jang Myen General ni yawng hpe htawng kaw rim bang kau na nga nna tsun ai majaw shanhte election kaw dang timung General ni gaw NLD ni dang wa ai shaloi mungdan uphkang ai power NLD hpe n wam ap ya ai hpe asan sha mu wa saga ai. Shanhte gaw matut nna dai ni na ten hta mung, ntsun ging ai hpe chyu tsun nga ma ai majaw shanhte myit dik hkra tsun dat ai ga hkaw ni gaw shanhte a matu awngdang na lam hpe pat shingdang la ai hkrai rai nga ai hpe asan sha jawm mu nga ga ai. N-gun ja ai wa a matu gaw shi tsun mayu ai hpe tsun nna shi galaw mayu ai hpe n-gun hte galaw awngdang la mai nga ai. Raitim, n-gun kya ai wa a matu gaw ga shaga ai hta hpaji rawng ra na re. Ah Hkawn san wa ai ga san ni hpe lawu na hte maren sang lang dat ai.
1. Masha kadai raitimung, tinang nra ai hpe n-galaw mayu ai. Dai rai yang tinang ra sharawng ai de du wa lu na matu tinang ra sharawng ai ladat hte du wa mai na kun? La ma nmai du na rai yang gara lam hpe lata la nna hkawm ra na kun? La ma tinang hta n-gun rawng ai rai yang, tinang ra sharawng ai lam ningmaw hku hkawm ai hte du wa mai ai. Raitimung, tinang hta n-gun n-rawng ai rai yang gaw, nkam hkawm ai hkrun lam hku hkawm nna tinang du mayu ai de du mai ai ladat tam ra na re.
2. SPDC hku nna rawt malan hpung ni hpe dai ning laman hpyen dap hkrang galai na matu tang madun wa ai gaw shanhte ra sharawng ai hpe tang madun wa ai rai na ma ai ngu chye na ya ai. Ya gaw anhte tsun mayu ai hpe tsun na matu aten du sai. KIO tsun mayu ai gaw nanhte yawng jawm mu sai hte maren May 12 ya shani shapraw ai KIO a statement kaw point 4 ka tawn ai hte maren shadik shatup sa wa na matu re.
Kaja sha nga yang SPDC ni tang madun wa ai point ni hpe policy hku nna hkap la mai ai hkrai re. Raitimung ta tut daw kaw gaw ashawng ahpang nambat ni galai kau na sha ra ai. Hpyen dap a hkrang hpe shawng galai na malai, dai nambat hpe hpang jahtum kaw tawn dat ra na. Election hpe shawng galaw ra na. Dai election kaw awngdang wa ai party kaw nna mungdan hpe uphkang wa na. Dai asuya gaw mungmasha ni a matu hkam dahka lam kade nga sani? Mungdan simsa lam myit dik sani? Myusha ni a lu ging ai ahkaw ahkang lu nna myit dik ai lam nga sani? Simsa lam myit dik sai mungdan ni kaw hpyen hpung myu 2-3-4 nga nra sai. Dai shaloi KIA hpyen dap hpe asuya hpyen dap de galai dat sana kun? Shawng de na zawn rai 1st – 5th Kachin Rifles Battalion zawn re ai de
gale dat sana kun? Asuya hte jahkrup nna htap htuk dum ai hku galaw mai na re.
3. Myit dam lada ai mungmasa ladat hte mungdan ngwi pyaw simsa wa lu na matu jahkrup nga ga ai. Mungmasa ladat hte shakut yu yang n-awng dang wa jang gara hku galaw na kun? nga nna san wa ai ni nga ai. Mahtai gaw:- Aten du wa ai shaloi grau kaja ai mahkrun tam ra na re.
HPUNG DIM:- Tinang ra sharawng ai mahtai hpe ni nawn ai htingbu mungdan ni mung hkan ra sharawng na masa nga ai kun? Dai htingbu mungdan ni gaw Myenmung kata kaw civil war byin wa na hpe ra sharawng nga ma ai kun? Dai maigan mungdan ni gaw shanhte ra sharawng ai lam byin wa shangun mayu ai majaw nbung hku marawn ai nsen hte n-gun jaw nga ma ai kun? Ta tut kaw gara hku garum mai na kun? ngu ai hpe azin ayang myit sumru yu nna ta tut byin wa mai na hpe jahtuk lang ra na re.
Ndai laika hpe hti ngut ai hpang myit simsa ai hte atsawm bai myit yu ai hte asan sha chye na wa na re ngu kam dat ai.
JJ Lum Dau
Email kaw na shalai ya ai myitsu wa hpe chyeju kaba sai
Labels:
ShiGa
Subscribe to:
Post Comments (Atom)
My Videos
0 comments:
Post a Comment
Chyeju kaba sai